Dopo aver conseguito gli studi presso un Istituto Alberghiero di Stato,
Gregorio Torchia impiega la sua professione di cuoco sulle navi, e lo fa per ventitrè
anni. Dal 1995 è in pensione e vive a Pizzo Calabro dove è Presidente della locale
Associazione Marittima.
Ha partecipato a diverse rassegne letterarie con ottimi riconoscimenti. Per
la sua città natìa ha scritto una "Ninna Nanna" che viene cantata, nel periodo
natalizio, in tutte le chiese del paese.
Acquerelli
Si marituma jiu a mari
nu pisci grossu m’avi i portari,
si marituma non lu porta
io mi godu lu cumbari.
Supra na mundagna fiorita
ngundrai nu cervu cornutu,
era surdu ma tuttu avia sendutu,
statti ccassutta cornutu futtutu
statti ccassutta cornutu futtutu.
Guardati frati mio ca ti guardasti,
si nò ti guardi tu
nujiu ti guarda,
ca si cadi malatu chi sbendura
mori comu nu cani: nujiu t’addura.
Povera vita mia senza lanzola
senza cuscini e senza matarazzi
nescivi nda stu mundu di schifizzi
senza mutandi e senza scarpi e lazzi.
Dominica 25 novembri 1979
Tristi jiornata scura e senza suli
dominica di Calenduli e Crisandemi,
connubbiu di dui ghijuri senza spini.
Pari venneri e sandu dolurusu
ca Brunu all’atru mundu fu promisu;
pari nu jiornu di sbenduri e peni
chi dici ... "O caru mio esti la fini."
Alla matina quandu si partia
pe mmu raggiungi u postu da fatiga
nu ghijuri alla Madonna ngi mendia
pregandu a chjia Vergini dorata
pe la saluti e la bbona jiornata;
penzandu a chijiu bocciolu di rosa,
Rosella si chiamava a zita sua,
la rosa chi l’avia fattu mpazziri
di gioia, cundendizzi a non finiri
chi povarejiu no potti godiri.
La mamma, lu patri,
lu frati, li soru, e li perendi
lagrimi e luttu fu pe tutti quandi
strazziu e doluri fu nda menzu a nendi.
Lu chiandu chi facia la mamma duci
videndu lu soi figghiu sportunatu
alli pedi di lu soi tambutu.
Omu gendili e religiusu
di cori grandi allegru e festusu.
Alla nghianata du Ceramidiu
nu medicu lu vitti e lu toccau
non ngesti nedni cchiù: Brunu moriu.
|
|
|
|
|