Francesco Restuccia, giornalista pubblicista, vive a Tropea. E’
corrispondente dell’agenzia A.N.S.A e collabora a quotidiani e riviste.
Ha pubblicato: "Raccolta di poesie per ragazzi";
"Raccolta di liriche" ; Cecco il diffcile" (romanzo); "Calabria
Eterna" (racconti); "Guida turistica di Tropea e dintorni; "La moglie
dell’onorevole" (romanzo).
Dal 1966 ha partecipato a numerosi premi letterari nazionali con ottime
affermazioni.
Hanni scritto di lui: "Il letterato";
"L’idea"; "La Gazzetta del Sud"; "Presenza";
"Cultura Novecento"; "Oggisud".
Vogghiu pocu
Vogghiu pocu, quasi nenti,
vogghiu u campu di pezzenti,
na pignata di suriaca,
capicoja e supprissati,
nu crapettu chi patati,
nu picciuni i primu iuntu,
nu gaiuzzu i primu cantu,
na nzalata i pumadoru
cu tri affetti di citrolu,
quattru alivi sutta sali,
nu biccheri i bonu vinu
quandu mbivu u torna chinu,
nu sicarru grossu e longu
quantu lignu di bandera
pimmu appicciu a la lumera
mu nci ammustru a cui m’ammira
ca pippìu matina e sira
e no vogghiu no cchiù nenti,
no amici e no parenti,
vogghiu u campu spinseratu
a lu suli assulicchiatu.
A pinsioni
Su trenta misi chi vaiu e chi vegnu
e ogni vota a risposta è uguali:
no nc’è u mpigatu chi sa tuttu,
no nc’è cui ti po’ dari oggi retta
e io vaiu e vegnu e spendu sordi
e allura dicu a tutti: o presidenti,
e ministri, e deputati, a tutti quanti
io vogghiu a pinsioni e vaiu avanti,
a cercu a tutta chista brava genti
e puru a la bonanima du re.
"Chi cazzu mi ndi futtu ca no nc’è?"
|
|
|
|
|