Nel 1950 è stato corrispondente per il Messaggero; in seguito ha
collaborato con Il Mattino e il Roma.
Dal 1986 scrive per il quindicinale "Proposte". Fa parte della Compagnia
d’Arte "Nicotera" con compiti di attore-regista. Per la sua attività
poetica ha ricevuto numerosi riconoscimenti, ricordiamo il primo premio in un concorso a
New York e il titolo onorifico di "Membro d’Onore dell’Accademia
"Orden del Plata" di Buonos Aires. Ha pubblicato, nel 1994, il volume
"Mamma dimmillu tu...
Mamma, dimmillu tu...
"Mamma, dimmillu tu, chi è l’amuri?
E’ veramente ju gran sentimentu
chi tutti dinnu? O è gran duluri?
Oppuru è gioia? O è gran turmentu?
Mamma, dimmillu, cacciami ‘stu pisu,
è tuttu veru chiju chi cridia?
Cà sulu tu, chi si ‘nt’o Paradisu,
mi lu po’ diri, haiu sulu a ttia".
Poi chiusi l’occhi ed ija rispundiu:
"L’amuri chi tu dici è bellu assai,
picchì è ‘na cosa chi la fici Diu.
Però l’amuri veru, figghiu miu,
chiju chi dura e chi no’ mori mai
è sulu chiju chi ti dezzi iu"!
Si beni mi volistivu...
Si beni mi volistivu, parrati,
dicitimi chi cori chi nd’aviti,
si quandu passu vui no’ v’addunati
e si vi parru mancu rispunditi...
Ma si cu l’occhi vostri ‘i mei ‘ncuntrati,
picch’ ‘i vasciat’ e russa vi faciti?
Non è rancori chissu chi portati,
allura, non è sdegnu chi nd’aviti.
Passaru ‘i jorna d’ ‘a felicitati!
e mo’ l’amuri vostru nascunditi.
No’ volarria, però, ’mu m’insonnati
e nt’ ‘a lu sonnu pimmu vi traditi;
stativ’ attenta e no, no’ mi chiamati:
japriti sulu l’occhi e mi viditi!
|
|
|
|
|