Paesani di Calabria circolo Città di Tropea
Tragicamente scomparso il 23 settembre 1963 lasciando nel più profondo dolore moglie, figli, fratelli e genitori
Lunedi di Settembri
Na fulata i ventu…
e’ u carru du zzu ntoni chi vaci pu cummentu
mbarcamu na murriata ma prima m’arriva a Nunziata
scindimu arridendu pa passiata.
Vicinu o calvariu sentimu ragghjari
su ciucci bardati chi nchjananu i mari
carrichi i rina di bricciu e di fraschi
jettanu sangu da vucca e di naschi.
Nu pocu amariati pi sti povirei
minamu pu burgu e poi nt’e’ vinei
ma nt’o’ frattempu di nu machinuni
scindi aggarbatu lu Monsignuri.
Tutti accudati l’aneu nci vasamu
poi all’intrasatta prima u scappamu
a carricatumbula sentimu luntanu
scindi di forgi tutta la banda
e nui figghjoli pistamu na landa.
Senza pinzeri e senza dinari
giramu filici comu lampari
quandu a nu corpu di sutta a marina
na botta putenti nd’a’ balla nt’a’ schina.
Trema la terra trema Trupea
di sutta o tundu fina a gurnea
si levanu vuci d’intra e riuni
fora nte’ strati e subbra i barcuni.
Arrivanu tutti vicini e luntani
jnchiru a villetta milli cristiani
nu vilu di schiantu cchju’ scuru da pici
calo’ di lu celu nt’a’ tuttu u paisi.
O burghitanu chi quandu passavi
sempri arridendu ndi’ salutavi
stavota a casa non poi cchju’ tornari
tristi distinu nt’a’ l’unda du mari
di l’occhi nostri na lacrima amara
scindiu nt’o’ cori di cui t’amava.
